Gaur, azaroak 4, PK eta CCOO-k Kutxabank-ekin akordio bat sinatu dugu. Bertan, aurre-erretiroak, kontratazioa, borondatezko neurriak (lansaio murrizpenak, lan-eteteak, sustatutako bajak) eta mugikortasunari buruzko klausulak jaso eta arautzen dira.

Langileak eta enpresa asetuko dituen lan-erlazio berri batzuetara eramango gaituen ibilbide baten abiapuntu izan behar du akordio honek.

Kutxabank-ek aurkezturiko neurri ez-nahiko eta osatugabeko lehenengo agertokitik beste errealitate batetara pasa gara. Akordio hau ahalbidetu duen agertokiak enpresan lanean jarraituko dugun langileon gain aurre-erretiroek izango dituzten ondorioak kontutan hartzen ditu eta enpresak mugikortasunari buruz jarraitu beharreko bidea erakusten du.

Hauek dira akordioaren atalik esanguratsuenak:

Aurre-erretiroak:

• 1953, 1954 eta 1955(100 batura)  urteetan jaiotakoentzat.

• %80-a aurre-erretiroaren lehenengo 12 hilabeteetan.
• %76,5-a erretiro aurreratua arteko gainontzeko hilabeteetan.
• Pentsio diferentziagatik 22 urtetako konpentsazioa.
• Erretiro aurreratua hartu arte gizarte segurantzako hitzarmen bereziaren ordainketa.

• Kotizazio nahikoa ez izateagatik erretiroa aurreratu ezin dutenentzat:

• Aurre-erretiroa %70ean, erretiro data onenararte.

Kontratazio mugagabea:

• Gutxienez 30 pertsona kontratatuko dira mugagabeki 2016.

Sustatutako bajak:

• Aurreko lan-akordioaren erregulazio berdina.
• Lan Hitzarmenean araututako maileguen baldintzak 3 urtez mantentzea bajaren ondoren.

Kontratu etendurak:

• Aurreko Lan akordioan jasotako erregulazio berdinarekin: Kobrantza portzentaia %30eraino igoz.

Lansaioaren murriztapena:

• Aurreko Lan akordioan jasotako erregulazio berdinarekin.

Mugikortasun geografikoa: Negoziaketa hauetan jokatu duen, eta etorkizunean jokatu beharko duen paper garrantzitsua dela eta, PK-rentzat funtsezkoa den atal honi buruzko testua bere osotasunean jaso dugu esteka honetan.

• Mugikortasun geografikoa dela eta kaltetutako pertsonen zenbakia eta egin beharreko ibilbideen distantzia minimotzeko konpromezua enpresaren aldetik.
• Mugikortasun geografikoko kasuetan borondatezkotasunari lehentasuna emateko konpromezua enpresaren aldetik.
• Mugikortasun geografikoarekiko ahaldundua dagoen jarraipen komisio baten eraketa.

Eguneratzea: Lan Akordioaren testu osoa. (gazteleraz oraingoz).